ବଡବିଲ: ଗତ ୨୨ ତାରିଖ ରାତିରେ ବଡବିଲ ନୁ୍ୟ ମାର୍କେଟ, ମଧୁସୁଦନ ଛକ ପାଖରେ ଥିବା ହନୁମାନ ମୂର୍ତ୍ତିକୁ କେହି ଭାଙ୍ଗି ଦେଇଥିବା ଜଣା ପଡିବା ପରେ ସ୍ଥାନୀୟ ହିନ୍ଦୁ ସଂଗଠନ, ବିଜେପି ଏବଂ ସାଧାରଣ ଲୋକମାନେ ଏକଜୁଟ୍ ହୋଇ ବିକ୍ଷୋଭ କରିଛନ୍ତି । ବିକ୍ଷୋଭ ଧିରେ ଧିରେ ବଢି ଚାଲିଛି । ବଡବିଲର ଶହ ଶହ ଲୋକ ଏକଜୁଟ୍ ହୋଇ ବଡବିଲ ସହରକୁ ସମ୍ଫୂର୍ଣ୍ଣ ରୂପେ ବନ୍ଦ କରିଦିଆଯାଇଛି । ଦୋକାନ ବଜାର ସହିତ ସହରର ସମସ୍ତ ଛକ ମାନଙ୍କୁ ଟାୟାର ଜାଳି କିମ୍ବା ରାସ୍ତା ଉପରେ ଗାଡି ରଖି ରାସ୍ତାକୁ ବନ୍ଦ କରିଦିଆଯାଇଛି । ଏକ ପ୍ରକାର ବଡବିଲ ରୁ ବାହାରକୁ ଯିବା କିମ୍ବା ବଡବିଲ ସହର ଭିତରକୁ ପଶିବା ବନ୍ଦ ହୋଇଯାଇଛି । ଯାତାୟତ ଠପ୍ ହୋଇଯାଇଛି । ବାଟା ଛକି, ସିନେମା ହଲ୍ ଛକ, ଥନା ଛକ, ବଙ୍ଗଳା ଛକ, ରେଲୱେ ଫାଟକ, ଷ୍ଟେସନ ରୋଡ ଓ.ଏମ୍.ସି ଛକ, କିରିବୁରୁ ଛକ ଆଦିରେ ରାସ୍ତା ରୋକ କରାଯାଇଛି । ଦୁଇ ପ୍ଲାଟୁନ ଫୋର୍ସ ଘଟଣାସ୍ଥଳରେ ଉପସ୍ଥିତ ରହି ପରିସ୍ଥିତି ଉପରେ ନଜର ରଖିଛନ୍ତି । ତେବେ ଏପର୍ଯ୍ୟନ୍ତ କୌଣସି ପ୍ରକାର ହିଂସାତ୍ମକ କାର୍ଯ୍ୟକଳାପ ହୋଇନାହିଁ । ମୂର୍ତ୍ତି ଭଙ୍ଗାଯାଇଥିବା ଖବର ପାଇ ବଡବିଲ ପୋଲିସ ଘଟଣା ସ୍ଥଳରେ ପହଞ୍ଚି ହନୁମାନ ମୂର୍ତ୍ତିକୁ ଥାନା କୁ ନେଇଯାଇଥିବାରୁ ଘଟଣା ତ୍ରିବ୍ର ରୂପ ଧାରଣ କରିଥିବା ଜଣାଯାଇଛି । ଆନେ୍ଦାଳନକାରୀଙ୍କ କହିବାନୁସାରେ ଏହା ହିନ୍ଦୁ ମାନଙ୍କ ପ୍ରତି ଅପମାନ ଏବଂ ଯଦି ସହର ମଝିରେ ଥିବା ମନ୍ଦିର ସୁରକ୍ଷିତ ନୁହେଁ ତେବେ ସହର ବାହାରେ ଥିବା ମନ୍ଦିରଗୁଡିକ କେତେ ସୁରକ୍ଷିତ ବୋଲି ପ୍ରଶ୍ନ କରିଛନ୍ତି । ତେବେ ବଡବିଲ ପୋଲିସ ଏହି ଘଟଣାରେ ଜଣେ ମାନସିକ ରୋଗୀକୁ ଅଟକ ରଖି ପଚରାଉଚୁରା କରୁଥିବା ଥାନାଧିକାରୀ ରମାକାନ୍ତ ମୁଦୁଲି ସୂଚନା ଦେଇଛନ୍ତି ।
Leave a Reply