Barbil Express

Your Home town News Agency

ଅପହରଣ ର ୬ ଦିନ ପରେ ବି ପୋଲିସର ହାତ ଖାଲି

ବଡବିଲ (୧୭/୦୨/୨୦୨୫): ଗତ ଫେବୃୟାରୀ ୧୨ ତାରିଖ, ବୁଧବାର ଅପରାହ୍ନରୁ ଗ୍ରେୱାଲ ମିନେରାଲ୍ ଏଣ୍ଡ ମେଟାଲ୍ସ ଏଲ୍ ଏଲ୍ ପିର ଉପସଭାପତି ନିମାନନ୍ଦ ପ୍ରଧାନ ନିଖୋଜ ଅଛନ୍ତି । ଏନେଇ ତାପରଦିନ ବଡବିଲ ଥାନାରେ ନିମାନନ୍ଦ ପ୍ରଧାନ ଙ୍କ ସ୍ତ୍ରୀ, ସ୍ୱାମୀ ନିଖୋଜ ଥିବାନେଇ ଏକ କେସ୍ ରୁଜୁ କରିଥିଲେ । କିନ୍ତୁ ଦୁର୍ଭାଗ୍ୟର ବିଷୟ ଘଟଣାକୁ ୫ଦିନ ବିତିଯାଇଥିଲେ ସୁଦ୍ଧା ଏପର୍ଯ୍ୟନ୍ତ ପୋଲିସ ହାତରେ କିଛିବି ଲାଗିନଥିବା ଜଣାଯାଇଛି । ଘଟଣାଟି ହାଇପ୍ରୋଫାଇଲ୍ ଥିବାରୁ ଏସ୍.ପି ଏବଂ ପଶ୍ଚିମାଞ୍ଚଳ ଡି.ଆଇ.ଜି ବଡବିଲ ପହଞ୍ଚି ଅନୁସନ୍ଧାନକୁ ଜୋରଦାର କରିଥିଲେ ସତ, କିନ୍ତୁ ଏପର୍ଯ୍ୟନ୍ତ ଏହି ରହସ୍ୟ ଉପରୁ ପରଦା ଉଠାଇ ପାରିନଥିବାରୁ ଏହା ଏକ ଅପହରଣ ହୋଇପାରେ ବୋଲି ସାଧାରଣରେ ଚର୍ଚ୍ଚା ହେଉଛି । ନିମାନନ୍ଦ, ଡ୍ରାଇଭର ଏମ୍.ଡି ଫିରୋଜ ଏବଂ ଗାଡିର କୌଣସି ଖବର ପୋଲିସ ପାଖରେ ନଥିବା ସାଧାରଣରେ ସନ୍ଦେହ ହେଉଛି । ତେବେ ନିମାନନ୍ଦ ଗଲେ କୁଆଡେ ? ସେ ସୁସ୍ଥ ଅଛନ୍ତି ତ ? ଏମିତି ଅନେକ ଗୁଡିଏ ପ୍ରଶ୍ନବାଚୀ ସୃଷ୍ଟି ହେଉଛି ବଡବିଲବାସୀଙ୍କ ମନରେ । ବୁଦ୍ଧିଜିବୀ ମହଲରେ ତିବ୍ର ଅସନ୍ତୋଷ ଦେଖାଦେଇଛି ।

Leave a Reply

Your email address will not be published. Required fields are marked *