ବଡ଼ବିଲ (୨୩-୦୨-୨୦୨୫): ବଡବିଲ ଥାନାରେ ନୂତନ ଭାବେ ଯୋଗଦେଇଥିବା ଭାରପ୍ରାପ୍ତ ଥାନାଧିକାରୀ ଶ୍ରୀ ଅଶୋକ କୁମାର ନାୟକଙ୍କୁ ସ୍ୱେଚ୍ଛାସେବୀ ସଂଗଠନ ପ୍ରୟାସ, ଉପାନ୍ତ ମହିଳା ସମିତି, ଆଶୀର୍ବାଦ ମହିଳା ସମିତି ଏବଂ ପ୍ରତିଭା ମହିଳା ସମିତିର ସଦସ୍ୟ-ସଦସ୍ୟାମାନେ ଆଜି ବଡବିଲ ଥାନାରେ ସାକ୍ଷାତ କରିବା ସହିତ ପୁଷ୍ପଗୁଚ୍ଛ ପ୍ରଦାନ କରି ବଡବିଲକୁ ସ୍ୱାଗତ କରିଥିଲେ । ଏହି ଅବସରରେ ପ୍ରୟାସ ତରଫରୁ ରାମ କର୍ମକାର, ଶୈଳେଶ କର୍ମକାର, ଅକ୍ଷୟ ସାହୁ, ସାରଦା ବାଗଡି, ଅନିଲ ସିହ୍ନା, ଶିଶିର କର୍ମକାର, ଅଭିଷେକ ସଡଙ୍ଗି, ଉପାନ୍ତ ମହିଲା ସମିତିର ଜେମା ମହାକୁଡ, ପୁଷ୍ପା ଆପଟ, ମୀନା ବେହେରା, ଆଶୀର୍ବାଦ ମହିଳା ସମିତିର ଅଞ୍ଜଳି ସିଂ, ଗାୟତ୍ରୀ ନନ୍ଦ, ବବିତା ସିଂ ଓ ପ୍ରତିଭା ମହିଳା ସମିତିର ଆଶା , ରାଧିକା ଓ ଆଶା ପାତ୍ର ପ୍ରମୁଖ ଉପସ୍ଥିତ ଥିଲେ ।
ପ୍ରକାଶ ଥାଉକି ଶ୍ରୀ ନାୟକ ବଡବିଲ ଥାନାରେ ନୂତନ ଭାବେ ଯୋଗଦେଉ ଦେଉ ନିମାନନ୍ଦ ପ୍ରଧାନ ଅପହରଣ ଘଟଣା ଘଟିଥିଲା ଯାହାକି ସମ୍ପୂର୍ଣ୍ଣ ଭାବେ ତାଙ୍କ ପାଇଁ ଏବଂ ବଡବିଲ ପୋଲିସ ପାଇଁ ଏକ ଚ୍ୟାଲେଞ୍ଜ ଥିଲା । ଗତ ୨୨ ତାରିଖରେ ଜିଲ୍ଲା ମୁଖ୍ୟ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ପଶ୍ଚିମାଞ୍ଚଳ ରେଞ୍ଜ ଡିଆଇଜି ବ୍ରିଜେଶ କୁମାର ରାୟ ଜିଲ୍ଲା ପୋଲିସ ୭ ଜଣକୁ ଗିରଫ କରିଥିବାବେଳେ, ୨ ଜଣଙ୍କୁ ଅଟକ ରଖି ପଚରାଉଚୁରା କରୁଥିବାନେଇ ବିସ୍ତୃତ ସୂଚନା ଦେଇଥିଲେ। ଏହି ଘଟଣାରେ ଅଟକ ଥିବା ଅନ୍ୟ ଦୁଇ ଅଭିଯୁକ୍ତ, ପଡୋଶୀ ଝାଡଖଣ୍ଡ ରାଜ୍ୟ, ରାଞ୍ଚି ଅଞ୍ଚଳର ଖୁର୍ଷିଦ୍ ରବାନି ଓ ସାଜିଦ୍ ୱାର୍ଷୀ ଙ୍କୁ ଆଜି କୋର୍ଟ ଚାଲାଣ କରାଯାଇଥିବା ବଡ଼ବିଲ ଥାନା ଅଧିକାରୀ ଅଶୋକ କୁମାର ନାୟକ ସୂଚନା ଦେଇଛନ୍ତି।
ବଡବିଲ ଅଞ୍ଚଳରେ ଆଇନ ଶୃଙ୍ଖଳା ପରିସ୍ଥିତିକୁ ବଜାୟ ରଖିବା ତାଙ୍କର ପ୍ରାଥମିକତା ହେବ ବୋଲି ଶ୍ରୀ ନାୟକ ପ୍ରକାଶ କରିଥିଲେ ।
Leave a Reply