କେନ୍ଦୁଝର ଜିଲ୍ଲା ଗୁଆଲି ପଞ୍ଚାୟତରେ ଥିବା ତ୍ରିବେଣୀ ଆର୍ଥମୁଭର୍ସ ତରଫରୁ ଆଜି ଗୁଆଲି ଠାରେ ESOP – Employee Stock Ownership Plan Share Distribution ଏକ କାର୍ଯ୍ୟକ୍ରମ ଆୟୋଜନ କରାଯାଇ ତ୍ରିବେଣୀରେ କାର୍ଯ୍ୟରତ ସମସ୍ତ କର୍ମଚାରୀଙ୍କ ପାଇଁ ଷ୍ଟକ ସହଭାଗିତା ଯୋଜନା ଘୋଷଣା କରାଯାଇଅଛି । ଏହା ଦ୍ୱାରା କମ୍ପାନୀ କର୍ମଚାରୀ ସିଧାସଳଖ କମ୍ପାନୀର ଅଂଶୀଦାର ହେବା ସହିତ ତାଙ୍କ ମଧ୍ୟରେ ମାଲିକାନା ଭାବନା ସୃଷ୍ଟି ହେବ । ଏହା କେବଳ କମ୍ପାନୀ ପାଇଁ ଏକ ଉନ୍ନତ ଭବିଷ୍ୟତ ସୃଷ୍ଟି କରିବ ନାହିଁ ବରଂ ପ୍ରତ୍ୟେକ କର୍ମଚାରୀ, ଯେଉଁମାନେ ଏହାକୁ ସମ୍ଭବ କରିଛନ୍ତି ସେମାନଙ୍କ ଭବିଷ୍ୟତକୁ ଉଜ୍ଜ୍ୱଳମୟ କରିବାରେ ସହାୟ ହେବ । କମ୍ପାନୀର କର୍ମଚାରୀଙ୍କ କଠିନ ପରିଶ୍ରମ ଦ୍ୱାରା ତ୍ରିବେଣୀ ଆଜି ଉଚ୍ଚ ସୋପାନ ସୋପାନକୁ ପହଞ୍ଚିପାରିଛି ଏବଂ ଆମେ ସବୁବେଳେ କର୍ମଚାରୀଙ୍କୁ ନିଜ ପରିବାର ସଦୃଶ ଦେଖି ଆସିଛୁ ବୋଲି ଏହି କାର୍ଯ୍ୟକ୍ରମରେ ତ୍ରିବେଣୀ ଆର୍ଥମୁଭର୍ସର ନିର୍ଦ୍ଦେଶକ ସୁର୍ଯ୍ୟନାରାୟଣ ପି. ପ୍ରକାଶ କରିଥିଲେ ।
ଏହି କାର୍ଯ୍ୟକ୍ରମରେ ତ୍ରିବେଣୀ ନିଜର କର୍ମଚାରୀକମାନଙ୍କୁ ଓ ସେୟାର ଅଧିସୁଚନା ପତ୍ର ପ୍ରଦାନ କରିଛି ଏବଂ ଡିମର୍ଜ କମ୍ପାନୀ ଷ୍ଟକ୍ ଏକ୍ସଚେଞ୍ଜରେ ତାଲିକାଭୁକ୍ତ ହେବା ପରେ ଏହି ସେୟାରଗୁଡିକ ବ୍ୟବସାୟଯୋଗ୍ୟ ହୋଇଯିବ ବୋଲି ସୂଚନା ପ୍ରଦାନ କରିଛନ୍ତି । ତ୍ରିବେଣୀ ଆର୍ଥମୁଭର୍ସ କେବଳ ଓଡିଶା ନୁହେଁ ଝାରଖଣ୍ଡ, ମହାରାଷ୍ଟ୍ର, ତାମିଲନାଡୁ, କର୍ଣ୍ଣାଟକା, ମଧ୍ୟପ୍ରଦେଶ, ଆନ୍ଧ୍ରପ୍ରଦେଶ ସହିତ ଇଣ୍ଡୋନେସିଆ ଓ ଆଫ୍ରିକାରେ ମଧ୍ୟ ନିଜର କାୟା ବିସ୍ତାର କରିସାରିଛି ।
Leave a Reply